ଓଡ଼ିଶାର ସାମୟିକ ଘଟଣାବଳୀ (Current Affairs) - Mar 18 - Mar 24, 2018
ମାର୍ଚ୍ଚ ୧୮, ୨୦୧୮:
- ରାଷ୍ଟ୍ରୀୟ ସଂସ୍କୃତ ସଂସ୍ଥାନ, ପୁରୀଠାରେ ଆୟୋଜିତ ଏକ କାର୍ଯ୍ୟକ୍ରମରେ ଯୋଗଦେଇ ରାଷ୍ଟ୍ରପତି ଶ୍ରୀ ରାମନାଥ କୋବିନ୍ଦ ଜଗନ୍ନାଥଙ୍କ ନବକଳେବର ସମ୍ବନ୍ଧୀୟ ୧୦ ଓ ୧୦୦୦ ଟଙ୍କିଆ ମୁଦ୍ରା ଡିଜାଇନ ଉନ୍ମୋଚନ କରିଛନ୍ତି ।
- ଓଡ଼ିଶାର "ଜ୍ୟୋତିରଞ୍ଜନ ବାରିକ" ଗେଟ୍ ୨୦୧୮ ପରୀକ୍ଷାରେ ଏଗ୍ରୀକଲଚର ଇଞ୍ଜିନିୟରିଂରେ ସର୍ବାଧିକ ୯୫୯ ମାର୍କ ରଖି ସର୍ବଭାରତୀୟ ସ୍ତରରେ ୧ନମ୍ବର ହୋଇଛନ୍ତି ।
ମାର୍ଚ୍ଚ ୧୯, ୨୦୧୮:
- ଓଡ଼ିଶା ଲଘୁଶସ୍ୟ ମିଶନ୍ ନିମନ୍ତେ ମୁଖ୍ୟମନ୍ତ୍ରୀଙ୍କ ୧୦୦କୋଟିର ବ୍ୟୟବରାଦ ଘୋଷଣା କରିଛନ୍ତି ।
ମାର୍ଚ୍ଚ ୨୦, ୨୦୧୮:
- ଓଡ଼ିଶାର ପ୍ରଭାକର ମହାରଣା ଓ ଗୋବର୍ଦ୍ଧନ ପାନିକା ସମ୍ମାନଜନକ "ପଦ୍ମଶ୍ରୀ" ସମ୍ମାନରେ ଭୂଷିତ ହୋଇଛନ୍ତି ।
ମାର୍ଚ୍ଚ ୨୧, ୨୦୧୮:
- ରାଜ୍ୟର ୪୫ତମ "ରାଜ୍ୟପାଳ" ଭାବେ ବିହାରର ବର୍ତ୍ତମାନର ରାଜ୍ୟପାଳ ଶ୍ରୀ ସତ୍ୟପାଳ ମଲିକ ଶପଥ ଗ୍ରହଣ କରିଛନ୍ତି ।
- "ଆମ ଗାଁ ଆମ ବିକାଶ" କାର୍ଯ୍ୟକ୍ରମରେ ମୁଖ୍ୟମନ୍ତ୍ରୀ ୪ଗୋଟି ଜିଲ୍ଲାରେ ୨୨ଟି ପ୍ରକଳ୍ପ ପାଇଁ ୧.୧୬କୋଟିର ବ୍ୟୟବରାଦ କରିଛନ୍ତି ।
- ଭୁବନେଶ୍ଵର ସ୍ମାର୍ଟ ସିଟି ଲିମିଟେଡ୍ ବହୁ ଅପେକ୍ଷିତ ଏଡେପ୍ଟିଭ ଟ୍ରାଫିକ୍ ସିଗନାଲ୍ କଣ୍ଟ୍ରୋଲ (ଏଟିଏସସି) ଭଳି ଏକ ନୂତନ ଯନ୍ତ୍ରକୌଶଳକୁ ସହରର ବିଭିନ୍ନ ସ୍ଥାନରେ ଖଞ୍ଜିଛନ୍ତି ।
- ୟୁନିଭରସିଟି ଗ୍ରାଣ୍ଟ କମିସନ୍ (ୟୁଜିସି) ଓଡ଼ିଶାର ୪ଗୋଟି ଶିକ୍ଷାଅନୁଷ୍ଠାନକୁ ସ୍ଵୟଂଚାଳିତ ବା ଅଟୋନମସ୍ ମାନ୍ୟତା ପ୍ରଦାନ କରିଛନ୍ତି । ସେଗୁଡିକ ହେଲା -
୧) ଉତ୍କଳ ବିଶ୍ଵବିଦ୍ୟାଳୟ, ଭୁବନେଶ୍ଵର
୨) ଜାତୀୟ ଆଇନ ବିଶ୍ଵବିଦ୍ୟାଳୟ, କଟକ,
୩) କିଟ୍, ଭୁବନେଶ୍ଵର ଓ
୪) ଶିକ୍ଷା ଓ ଅନୁସନ୍ଧାନ ବିଶ୍ଵବିଦ୍ୟାଳୟ, ଭୁବନେଶ୍ଵର ।
ମାର୍ଚ୍ଚ ୨୨, ୨୦୧୮:
- ଓଡ଼ିଶା ଯୁବ ଓକିଲ ଧନଞ୍ଜୟ ମିଶ୍ର ସୁପ୍ରିମକୋର୍ଟ ଆଡଭୋକେଟ ଅନ୍ ରେକର୍ଡ (ଏଓଆର) ପରୀକ୍ଷାରେ ୧ନମ୍ବର ହୋଇଛନ୍ତି ।
- ମୁଖ୍ୟମନ୍ତ୍ରୀ, ପୋଖରୀପୁଟ୍ ଠାରେ ଓଡ଼ିଶା କ୍ରାଫ୍ଟ ମ୍ୟୁଜିୟମ "କଳାଭୂମୀ"ର ଉନ୍ମୋଚନ କରିଛନ୍ତି ।
- କଳିଙ୍ଗନଗରର ୨୦ବର୍ଷୀୟ ଝିଅ "ସ୍ଵର୍ଣ୍ଣଲତା ଦଳାଇ" "ମିସନ୍ ଏଭେରେଷ୍ଟ - ୨୦୧୮"ରେ ସାମିଲ ହୋଇ ଖୁବଶୀଘ୍ର ଏଭେରେଷ୍ଟ ପର୍ବତ ଚଢିବେ ।
- ରାଜ୍ୟ ସରକାରଙ୍କ ନିଷ୍ପତି ଅନୁଯାୟୀ "ଆଶା" କର୍ମକର୍ତ୍ତାଙ୍କୁ ମାସିକ ନିଶ୍ଚିତ ୨୦୦୦ ଟଙ୍କା ପରିତୋଷିକ ପ୍ରଦାନ କରାଯିବ ।
ମାର୍ଚ୍ଚ ୨୩, ୨୦୧୮:
- ରାଜ୍ୟରେ ଶିକ୍ଷା ଓ ସାଂସ୍କୃତିକ କ୍ଷେତ୍ରକୁ ଦୃଢ କରିବା ପାଇଁ ବ୍ରିଟିଶ କାଉନ୍ସିଲ ସହ ଓଡ଼ିଶା ସରକାରଙ୍କର ଏକ ଚୁକ୍ତି ସ୍ଵାକ୍ଷର କରାଯାଇଛି ।
- ଅର୍ଥମନ୍ତ୍ରୀ ୧,୨୦,୦୨୮ ଟଙ୍କାର ବଜେଟ ଉପସ୍ଥାପନ କରିଛନ୍ତି । [ସବିଶେଷ ବିବରଣୀ ପାଇଁ ଏଠାରେ କ୍ଲିକ୍ କରନ୍ତୁ]
ମାର୍ଚ୍ଚ ୨୪, ୨୦୧୮:
- ଭୁବନେଶ୍ଵର ଝିଅ "ସୃତିକ୍ଷା ନାୟକ" "ଫେମିନା ମିସ୍ ଇଣ୍ଡିଆ ଓଡ଼ିଶା - ୨୦୧୮" ସମ୍ମାନରେ ଭୂଷିତ ହୋଇଛନ୍ତି ।
No comments:
Post a Comment